غسيلك الابيض بيصفر ؟تعالى اقولك الحل

السلام عليكن

لما كنت عند ماما قبل الجواز يعنى كان الابيض (الملابس الداخلية الرجالى) كانت بيضاء حلو جدا لكن لما اتجوزت اتصدمت كل ملابس جوزى البيضاء اصبحت صفرا كنت بعيط وماشية اسأل الناس اعمل ايه طبعا انا عندى فول اتوماتيك الناس قالولى اغلى الغسيل على النار قبل ما تحطيه فى الغسالة بس طبعا دة هياخد وقت وحكاية فماقتنغتش المهم مش عايزة اطول عليكم قعدت على النت دورت وشوفت اراء ناس كتير المهم توصلت للمفيد وبعد تجربة الابيض عندى اصبح ناصع البياض تحفة وحتى جوزى مش مصدق ومبسوط جدا شوفوا بقى اولا طبعا هتعملى درجة الحرارة 90 فى الغسالة وعدد لفات كتير وطبعا كل غسالة شكل بس المهم درجة حرارة 90
ثانيا لازم برنامج الابيض اللى هوة pre-wash اللى بياخد اريال وميه(من الدرج الصغير) يغسل بيها وبعدين ياخد اريال تانى
ثالثا ودة الاهم انك تحطى فى الدرج الكبير مع الاريال اللى هيتاخد تانى مرة بحوالى جنيه ونص ملح ليمون تشتريه من عند العطار
رابعا ودة المنتج التحفة vanish للابيض والالوان تحطيه برضه مع الاريال(100 مل) وملح الليمون والميه بتسحب الاريال والملح معلش يمكن بس الموضوع دة يحتاج منك تتابعى الغسالة بس اول ربع ساعة تقريبا عشان تحطى الفانيش والميه بتسحب الاريال وبس وتسيبى الغسالة تكمل
خامسا بعد ما الغسالة تخلص خالص خالص شغلى الغسالة تانى بس برنامج الشطف بس وتحطى فى الدرج مع الميه حوالى 200 مل خل ابيض بتاع الاكل
سادسا لازم الابيض يتنشر فى الشمس

واللهى العظيم لو مشيتى على الخطوات دى شوفى الابيض هيكون عامل ازاى ناصع البياض عن تجربة واللهى وبعد عذاب

ونصيحة اوعى تستخدمى الكلور دة بيصفر انا معرفش مين اللى قال انه بيبيض

ودة الvanish تقريبا منتج ايماراتى بس تحفة واللهى اكتشاف الزجاجة بحوالى 9 جنيه ودايما فى هايبر وان عليه عرض
الزجاجتين ب15 جنيه




وبعد كام غسلة لو عندك ابيض مصفر واللهى هيبيض بس جربى وادعيلى
ولو حد عنده تجربة تانيه مع الغسيل الابيض يقول ويفيد اللى مش عارف انا واللهى كتبت الموضوع دة لانى عارفة ان فى ناس كتير عندها مشكلة مع الابيض وتقريبا دة بيكون حسب الميه فى كل منطقة يعنى فى ميه تصفر الابيض وميه لأ
ومستنية تجربوا وتقلولى بس بعد كذا غسلة او لو مصفرين اوى اشترى جديد وجربى ومش هيصفر ابدا

مشكورة ع المعلومات هااد
يعطيكي االف عاافية ما قصرتي